Հովսեփյան Խորեն Գրիգորի
(1892թ.-1937թ.)
Ծնվել է Կիրովաբադում, գնդակահարվել հակահեղափոխական գործունեության պատճառով:
Ութ տարի աշխատել է դեղագործ: 1917թվից` կոմկուսի անդամ:
1904-1911թթ. սովորել է Կիրովաբադի միջնակարգ դպրոցում, վեց դասարան:
1917թ. Սարատովի համալսարանի բժշկական ֆակուլտետում հանձնել է դեղագործության քննություն, ստացել դեղագործի օգնականի աստիճան:
1916-1917թթ. Պարսկաստանի և Թուրքիայի Խոյ, Բայազետ, Վան քաղաքների ՙՔաղաքների միությունում՚` Կովկասյան ռազմաճակատ, դեղատան տնօրեն, դեղագործ:
1920թ. հունիս-դեկտտեմբեր ամիսներին Կիրովաբադում արհմիությունների բյուրոյի նախագահն էր: Այնուհետև` մինչև 1922թ. հունիսը, Հայաստանի արհմիությունների խորհրդի նախագահի տեղակալ:
1921թ. փետրվարից հունիս Ղամառլուի ռազմաճակատում, դաշնակների դեմ, Հայաստանի հեղկոմի կողմից նշանակվել էր բանակի պարենի պատասխանատու:
1922-1923թթ.` աշխատանքի ժողկոմի տեղակալ:
1923-1928թթ.`ՀԽՍՀ աշխատանքի և սոցապ ժողկոմ:
1928-1931թթ.` պետպլանի նախագահի տեղակալ:
1931թ.` պետպլանի նախագահ:
1931-1933թթ.` Ղափանի շրջգործկոմի նախագահ:
1933-1935թթ.` Ալավերդու պղնձի կոմբինատի տնօրեն:
1935թ.` տեղական արդյունաբերության ժողկոմ:
1937 թվին հեռացվել է ժողկոմի պաշտոնից, կուսակցության շարքերից:
