Արտեմ Պողոսի Աղամալյան
(1882-1937)
Ծնվել է Շուշիում: Գնդակահարվել է:
Բանվոր-փականագործ, 1917թ.` կոմկուսի անդամ, աշխատել է դարբնի աշակերտ, հետո` փականագործի:
1897թ. տեղափոխվել է Բաքու, փականագործ աշխատել տարբեր արտադրություններում:
1903թ. ընդունվել է հնչակյան կուսակցության շարքերը, բայց երկու տարի հետո իր մի քանի ընկերների հետ ընդունվել է անարխիստ–կոմունիստների շարքերը: Այդ կազմակերպության մեջ տարիուկես աշխատելուց և ութ ահաբեկչություն կատարելուց հետո (այդ թվում` անձամբ սպանել է Բաքվի նախկին քաղաքապետ Ժգենիային): 1907թ., ընդունվել է բոլշևիկների շարքերը, ընտրվել կուսակցության շրջկոմի անդամ, զբաղվել Պարսկաստանից գաղտնի գրականություն և թռուցիկներ բերելով:
1913թ. անհայտ պատճառով դուրս է մնացել կուսակցությունից, 1917թ. նորից ընդունվել է կոմկուսի շարքերը և Բաքվում կարմիր գվարդիայի կազմում ակտիվորեն մասնակցել քաղաքացիական պատերազմին: Այդ ժամանակից կուսակցության հանձնարարությամբ մեծ գումարներ է տեղափոխել և զբաղվել հակահետախուզական աշխատանքով:
1920թ. Լենինականում մասնակցել է Մայիսյան ապստամբությանը, ձերբակալվել մինչև սովետական կարգերի հաստատումը: Ընտրվել է Լենինականի ԴԵՊՕ-ի տեղկոմի նախագահ, աշխատել մինչև 1925թ.:
1925թ. տեղափոխվել է Երևան, աշխատել, քիմտրեստում` նախագահի տեղակալ, հետո` մեխանիկական գործարանի տնօրեն: Աշխատել է Ձորագեսում, Քանաքեռգեսում:
1933թ. նշանակվել է աշխատանքի և սոցապ ժողկոմ, աշխատել է 1935թ. դեկտեմբերը:
1935թ. դեկտեմբերից` ՙԳաստրոնոմ՚ խանութի Հայաստանի մասնաճյուղի տնօրեն:
1929թ.` Լենինականի քաղխորհրդի անդամ:
1935 թվից` Երևանի քաղխորհրդի անդամ:
1926-1932թթ.` Հայաստանի Կոմկուսի Կենտկոմի անդամ, Կենտկոմի բյուրոյի անդամ:
1927-1935թթ.` Անդրկովկասի ԿԸՀ անդամ:
1927 թվից` Հայաստանի ԿԸՀ անդամ:
