Հաշմանդամություն ունեցող անձանց հարցերով զբաղվող ազգային հանձնաժողովի 2011 թվականի հունիսի 3-ին կայացած նիստի արձանագրություն

Հաշմանդամություն ունեցող անձանց հարցերով զբաղվող ազգային հանձնաժողովի 2011 թվականի հունիսի 3-ին կայացած նիստի

Արձանագրություն N 10

ՕՐԱԿԱՐԳ

1. Երևան քաղաքի և մարզային հանձնաժողովների հաշվետվությունը հաշմանդամություն ունեցող անձանց հասարակություն ինտեգրելուն ուղղված` 2010թ. ընթացքում կատարած աշխատանքների մասին:
2. Հայաստանի Հանրապետությունում հաշմանդամության հիմնախնդիրների վերաբերյալ 2010թ. ազգային զեկույցի մասին:
3. Այլ հարցեր:

Մասնակցեցին`

Հանձնաժողովի անդամները`

Հաշմանդամություն ունեցող անձանց հարցերով զբաղվող ազգային հանձնաժողովի անդամների առաջարկությամբ նիստին մասնակցել  են`

Հրավիրվածներ` 

Հաշմանդամություն ունեցող անձանց հարցերով զբաղվող մարզային և Երևան /քաղաքի/ հանձնաժողովների ներկայացուցիչներ`

Հաշմանդամություն ունեցող անձանց հարցերով զբաղվող ազգային հանձնաժողովի հերթական նիստը նախագահում էր ՀՀ աշխատանքի և սոցիալական հարցերի նախարար` հանձնաժողովի նախագահ Ա.Գրիգորյանը:

Ողջունելով հանձնաժողովի անդամներին` նախարարը ներկայացրեց, որ այցելություն է կատարել Լոռու, Կոտայքի և Վայոց Ձորի մարզեր, տեղերում կազմակերպելով  քաղաքացիների ընդունելություն: Նշեց, որ ակնհայտ երևում է պետական և տեղական ինքնակառավարման մարմինների կողմից օրենքով սահմանված գործառույթների պատշաճ իրականացումը, որն էլ ավելի արդյունավետ է դարձնում հետագա աշխատանքները, սակայն հաշմանդամություն ունեցող անձանց հիմնախնդիրների լուծումը պահանջում է նոր մոտեցումներ:
Նախարարը նշեց, որ Հայաստանի Հանրապետությունը ստորագրել և վավերացրել է “Հաշմանդամություն ունեցող անձանց իրավունքների մասին” կոնվենցիան, ինչը ենթադրում է հաշմանդամության ոլորտում օրենսդրական դաշտի բարեփոխումներ, նոր սկզբունքների ամրագրում: Ստանձնած միջազգային պարտավորություններն իրականացնելու նպատակով անհրաժեշտ է գործող օրենսդրությունը համապատասխանեցնել Կոնվենցիայի դրույթներին: Հետամուտ լինելով որդեգրած քաղաքաքականությանը ներկայումս մշակման փուլում են գտնվում “Հաշմանդամություն ունեցող անձանց իրավունքների պաշտպանության և սոցիալական ներառման մասին” ՀՀ օրենքի նախագիծը և հաշմանդամության սահմանման նոր մոդելը:
Օրակարգի առաջին հարցի կապակցությամբ լսեցին` Հաշմանդամություն ունեցող անձանց հարցերով զբաղվող Երևան /քաղաքի/  և մարզային հանձնաժողովների նախագահներին և ներկայացուցներին:
Երևան /քաղաքի/ հանձնաժողովի քարտուղարը և մարզային հանձնաժողովների նախագահները ներկայացրեցին հաշվետվություն հաշմանդամություն ունեցող անձանց հասարակություն ինտեգրելուն ուղղված` 2010թ. ընթացքում կատարած աշխատանքների մասին:
Մարզային հանձնաժողովները նշեցին, որ մեծ ձեռք բերումներ են արձանագրվել վերականգնողական և ցերեկային խնամքի կենտրոնների ստեղծման, հաշմանդամների նկատմամբ վերաբերմունքի փոփոխության հարցերում: Ակտիվացել է համագործակցությունը ոլորտում գործող հասարակական կազմակերպությունների հետ, որի արդյունքում կազմակերպվել է բազմաթիվ միջոցառումներ: Այս ամենի հետ մեկտեղ կան նաև շատ չլուծված հարցեր` մասնավորապես շրջակա միջավայրի մատչելիության և զբաղվածության:

Արտահայտվեցին`

“Հայաստանի կույրերի միավորում” հասարակական կազմակերպության փոխնախագահ Ֆ.Դանիելյանը, “Հույսի կամուրջ” հասարակական կազմակերպության նախագահ Ս.Թադևոսյանը, “Փարոս” հասարակական կազմակերպության նախագահ Ս.Օհանյանը, Արարատի մարզային հանձնաժողովի քարտուղար Գ.Միրզոյանը, ՀՀ կրթության և գիտության նախարարարության աշխատակից Ա.Մուրադյանը:

Քննարկման արդյունքում առաջարկվեցին`

– Երևան քաղաքի լուսավորության շղթաների պատրաստման աշխատանքները իրականացվի “Հայաստանի Կույրերի միավորում” հասարակական կազմակերպության կողմից, քանի որը միավորումն ունի բոլոր անհրաժեշտ հանարավորությունները և միաժամանակ կլուծվի տեսողության խնդիրներ ունեցող անձանց զբաղզվածության հարցը:
– “Ընտանիքների անապահովության գնահատման կարգ”-ում միայնակ հաշմանդամություն ունեցող անձանց համար նախատեսել հատուկ ծածկագիր, որը հնարավորություն կտա օգտվել ընտանեկան նպաստից:
– Երևան քաղաքի և մարզային հանձնաժողովների աշխատանքները գնահատելու համար մշակել գործողությունների տարեկան ծրագիր:
– Քաղաքապետարանը մինչ հարմարեցված տրանսպորտային միջոցներ ձեռք բերելը, խորհրդակցեն տեղաշարժման խնդիրներ ունեցող անձանց հետ:
Օրակարգի երկրորդ հարցի մասին զեկուցեց հաշմանդամների և տարեցների հիմնահարցերի վարչության պետ Ա.Կեսոյանը:

Որոշեցին`

Հաստատել “Հայաստանի Հանրապետությունում հաշմանդամության հիմնախնդիրների վերաբերյալ 2010թ. ազգային զեկույցը”:
Հանձնաժողովի նիստի ավարտին առաջարկվեցին մի շարք համակողմանի քննարկվող հարցեր, այդ թվում նաև կրթության առանձնահատուկ պայմանների կարիք ունեցող անձանց  ներառական կրթության վերաբերյալ:
Ազգային հանձնաժողովի հերթական նիստը անցկացնել ընդլայնված` ՀՀ կրթության և գիտության, ՀՀ առողջապահության նախարարների մասնակցությամբ:
Հաշմանդամություն ունեցող անձանց հարցերով
զբաղվող ազգային հանձնաժողովի նախագահ                       Ա.Գրիգորյան

Հանձնաժողովի քարտուղար                                                    Ա.Կեսոյան