Հունիսի 21-ին ՀՀ աշխատանքի և սոցիալական հարցերի նախարարությունում անցկացվեց «Նախարարության աշխատակիցների պաշտպանության միջոցառումների կազմակերպումը երկրաշարժի ժամանակ» թեմայով շտաբային ուսումնավարժություն։
Միջոցառումը կազմակերպվել էր ՀՀ աշխատանքի և սոցիալական հարցերի նախարարության արտակարգ իրավիճակներում բնակչության պաշտպանության և քաղաքացիական պաշտպանության ոլորտներին առնչվող հիմնական միջոցառումների 2018 թվականի պլանի շրջանակում՝ ՀՀ աշխատանքի և սոցիալական հարցերի նախարարի 04.06.2018թ. N 70-Ա/1 հրամանի համաձայն։
Ուսումնավարժության ընթացքում խաղարկվեց ուժեղ երկրաշարժի դեպքում նախարարության վարչական շենքի 2-րդ մասնաշենքում քաղաքական, հայեցողական պաշտոններ զբաղեցնող և քաղաքացիական աշխատանք կատարող անձանց, աշխատակազմի կառուցվածքային ստորաբաժանումների տարհանման սցենարը:
Միջոցառման ընթացքում թեմատիկ զեկույցներով հանդես եկան ՀՀ արտակարգ իրավիճակների նախարարության աշխատակիցներ մայոր Հովհաննես Հովհաննիսյանը և լեյտենանտ Ինգա Նեպոպը, ովքեր ներկայացրին ուժեղ երկրաշարժի դեպքում անհրաժեշտ վարքագծի կանոնները: Կարևորելով նմանօրինակ միջոցառումների դերը աղետներին պատրաստ լինելու և դիմագրավելու գործում՝ ՀՀ աշխատանքի և սոցիալական հարցերի նախարարությունը ապագայում ևս կապահովի այդպիսի միջոցառումների շարունակականությունը:
