Պատերազմի հետևանքով տեղահանված և Հայաստանում գտնվող Արցախի գործազուրկ քաղաքացիների ժամանակավոր զբաղվածությունն ապահովելու և սոցիալական վիճակը մեղմելու նպատակով ՀՀ կառավարությունը ևս մեկ նախագիծ է հաստատել։
Միջոցառումը նախատեսում է Արցախի գործազուրկ քաղաքացուն ընդգրկել համայնքներում իրականացվող վարձատրվող հասարակական աշխատանքներում և մեկ աշխատանքային օրվա համար վճարել 8,000 դրամ՝ ներառյալ եկամտային հարկը և պարտադիր վճարները:
Ծրագիրը իրականացվելու է առավելագույնը երեք ամիս ժամկետով։
