Հայաստանի Հանրապետության Աշխատանքի և սոցիալական հարցերի նախարարությունը կիրականացնի «Հայաստան՝ աջակցություն հակամարտությունից տուժած ընտանիքներին» Վերակառուցման և զարգացման միջազգային բանկի դրամաշնորհային ծրագիրը: Ֆինանսավորումը կտրամադրվի ՊԵտականության և խաղաղարարության հավատարմագրային հիմնադրամի միջոցով: Դրամաշնորհի ընդհանուր նպատակն է՝ նպաստել Լեռնային Ղարաբաղի հակամարտության հետևանքով տուժած ընտանիքների տոկունության ամրապնդմանը, հյուրընկալ համայնքներում սոցիալական համախմբվածության և զբաղվածության խթանմանը։
