Աշխատանքի և սոցիալական հարցերի նախարարության ու Ֆրանսիա Հայաստան առևտրաարդյունաբերական պալատի միջև ստորագրված համագործակցության հուշագրի շրջանակում արդեն իսկ շուրջ երեք տասնյակ ընկերություն համագործակցության պատրաստակամություն է հայտնել։
Նախատեսվում է անցկացնել վերապատրաստման դասընթացներ, իրականացնել համապատասխան քայլեր՝ քաղաքացիներին աշխատանքով ապահովելու, փորձագիտական աշխատանքների, փորձի փոխանակման, նոր ծրագրերի ու նախաձեռնությունների մշակման ուղղությամբ։
Վերապատրաստումներից, համապատասխան դասընթացներ իրականացնելուց հետո համագործակցության շրջանակում նախատեսվում է աշխատանքով ապահովել շուրջ 400 քաղաքացու։
Համագործակցության պատրաստակամություն են հայտնել հետևյալ ընկերությունները՝
- ACBA Bank
- Amundi Acba Asset Management
- Apaga Technologies
- Arterail
- Grant Thornton
- Pernod Ricard YBC
- UFAR
- The Alexander Hotel
- AL PARCO LLC/BEST WESTERN CONGRESS
- Ameria Bank
- A & M Rare Water
- ArmBas LLC
- BetConstruct/Soft Construct/Vivaro
- EGIS International
- INGO Armenia
- IDEMIA
- Fonds Armenien
- Globalink Logistics LLC ARM
- MAF Hypermarkets AM LTD (CARREFOUR)
- MARRIOTT Armenia Hotel
- MANAGMENT MIX
- MEGNA LLC (RENAULT)
- Paul Armenia
- ROSGOSSTRAKH ARMENIA
- SUD Omnium services
- Start Doon
- UCOM LLC
- Veolia
Ծրագրվում է առաջիկայում վերոնշալ կազմակերպությունների հետ անցկացնել անհատական հանդիպումներ՝ յուրաքանչյուրի հետ իրականացվելիք աշխատանքները հստակեցնելու և ճշգրտելու համար:
Հիշեցնենք, որ հուշագիրը կնքվել է 2021 թ․ հուլիսի 15-ին նախարար Նարեկ Մկրտչյանի և Ֆրանսիա Հայաստան առևտրաարդյունաբերական պալատի ՀԽ նախագահ Տիգրան Առաքելյանի կողմից՝ երկու երկրների պետական և մասնավոր հատվածների ներուժի համախմբման ու Ֆրանսիայի կառավարության կողմից սոցիալական պաշտպանության ոլորտում հաջողված ծրագրերի փորձի փոխանակման նպատակով։
Հուշագրի շրջանակում Աշխատանքի և սոցիալական հարցերի նախարարությունը հանձն է առել առանձնացնել ՀՀ քաղաքացիների կյանքի որակի բարձրացմանն ուղղված սոցիալական պաշտպանության ոլորտի առաջնահերթությունները, ապահովել նախարարության ոլորտային պատասխանատուների ներգրավվածությունը, ներկայացնել ծրագրային առաջարկներ ու նոր նախաձեռնություններ:
ՖՀ ԱԱՊ-ն պարտավորվել է ներգրավել պալատի նվիրատու և հովանավոր անդամ ընկերություններին՝ նախարարության կողմից մշակված սոցիալական ծրագրերի իրականացումը ֆինանսավորելու նպատակով, ինչպես նաև ապահովել ֆրանսիական ընկերությունների կողմից փորձագիտական աշխատանքների իրականացումը Հայաստանում սոցիալական բնակարանաշինության էկոհամակարգի ստեղծման և զարգացման հարցում։
