Սոցփաթեթի հատկացման կարգում իրականացված լայնածավալ փոփոխությունների շրջանակում՝ 2021 թվականի դեկտեմբերի 13-ից սոցփաթեթի շահառուն կարող է օգտվել նաև թերապևտիկ և վիրաբուժական ստոմատոլոգիական ծառայություններից, այդ թվում՝
- ատամի կարիեսի կամ նրա բարդությունների բուժում, այդ թվում` պլոմբավորումը լուսակարծրացող ստանդարտ պլոմբանյութով,
- ատամնաքարերի մաքրում (տարեկան ոչ ավելի, քան մեկ անգամ),
- ատամի հեռացում` ըստ ցուցումների,
- սուր ատամնացավով և թարախային պրոցեսով ուղեկցված։
Տվյալ ծառայություններից օգտվելու համար սոցփաթեթի շրջանակում հնարավոր է փոխանցում իրականացնել միայն այն ստոմատոլոգիական ծառայություններ մատուցող կազմակերպություններին, որոնք ՀՀ առողջապահության նախարարության կողմից ներառված են այդ նպատակով հաստատված ցանկում։
Սոցփաթեթի շրջանակում ստոմատոլոգիական բժշկական օգնություն և սպասարկում մատուցող առողջապահական կազմակերպությունների ցանկին կարող եք ծանոթանալ հետևյալ հղմամբ՝ https://rb.gy/ki74a
