Հարգելի քաղաքացիներ
Երեխաների պաշտպանության ոլորտում Հայաստանի Հանրապետության կառավարության որդեգրած քաղաքականության հիմնական գաղափարախոսությունը երեխայի խնամքն ու դաստիարակությունն ընտանիքում ապահովելն է` հաստատությունից երեխային կենսաբանական ընտանիք վերադարձնելու, խնամակալության հանձնելու, որդեգրման հանձնելու կամ խնամատար ընտանիքում խնամքըկազմակերպելու միջոցով:
Առանց ծնողական խնամքի մնացած երեխաների խնամքը ընտանիքում կազմակերպելու նպատակով 2008 թվականից ՀՀ պետական բյուջեի միջոցներով իրականացվում է “Խնամատար ընտանիքի ինստիտուտի ներդրման” ծրագիրը:
Այս տարիների ընթացքում հանրապետության շուրջ 60 երեխա խնամվել է խնամատար ընտանիքում:
Շարունակվում է ծրագրում ընդգրկվելու գործընթացը: Պայմաններին ծանոթանալու և այլ տեղեկությունների համար կարող եք դիմել Ձեր բնակության վայրի մարզպետարան, Երևանում` Երևանի քաղաքապետարան:
