ՀՀ կառավարության 24.12.15թ. նիստում ՀՀ աշխատանքի և սոցիալական հարցերի նախարար Արտեմ Ասատրյանի ներկայացմամբ ընդունվել է Հաշմանդամություն ունեցող անձանց վերականգնողական անհատական ծրագրերի կազմման և իրականացման կարգը:
Հաստատված կարգի համաձայն կբարձրացվի հաշմանդամություն ունեցող քաղաքացիների առողջական, մասնագիտական և սոցիալական վերականգնողական ծրագրերի արդյունավետությունը: Կհեշտացվի կարիքն ունեցող քաղաքացիներին օժանդակ միջոցների` օրթեզների, պրոթեզների, կորսետների և այլ միջոցների տրամադրման գործընթացը:
Կարգի հաստատմամբ նվազեցվում է նաև հաշմանդամություն ունեցող քաղաքացիների վերականգնմանն ուղղված գործընթացում թղթաբանության հետ կապված դժվարությունները:
