Սյունիքի մարզի Գորիս քաղաքում սեպտեմբերի 23-ին Զբաղվածության պետական գործակալության նախաձեռնությամբ տեղի է ունեցել հերթական աշխատանքի տոնավաճառը:
Աշխատանքի տոնավաճառին մասնակցել է տնտեսության տարբեր ոլորտները ներկայացնող 30 գործատու՝ 57 առկա և 20 սպասվելիք թափուր աշխատատեղերով:
Աշխատանքի տոնավաճառին բացման խոսքով հանդես է եկել ՀՀ զբաղվածության պետական գործակալության պետը՝ նշելով, որ տոնավաճառը լավագույն հարթակն է թե գործատուի և թե աշխատանք փնտրողի համար: Գործակալության պետը հույս է հայտնել, որ Աշխատանքի տոնավաճառում մարզի բնակիչները հնարավորություն կունենան ավելի մանրամասն ծանոթանալ առաջարկվող աշխատանքներին և կգտնեն իրենց հմտությունների և մասնագիտական ունակություններին համապատասխան աշխատանք:
Ողջույնի խոսքով հանդես են եկել նաև Գորիսի քաղաքապետը և մարզի գործատուները:
Գորիս քաղաքում 2016թ.-ի օգոստոսի 1-ի դրությամբ գրանցված աշխատանք փնտրողների թիվը կազմում է 1518, որը նախորդ տարվա նույն ժամանակահատվածի նկատմամբ նվազել է 14.1%-ով (1768 մարդ): Գործազուրկների թվաքանակը կազմում է աշխատանք փնտրողների 89.3%-ը կամ 1355 մարդ: Այս ցուցանիշը նախորդ տարվա նույն ժամանակահատվածի համեմատ նվազել է 18.4 %-ով (1660 մարդ): Գործազուրկների թվաքանակում աշխատաշուկայում անմրցունակ անձանց թվականակը կազմում է 1349 անձ,կամ 99.6%-ը:
Գործազուրկների թվաքանակում մեծ թիվ են կազմում, ճարտարագետները, մանկավարժները, բուժքույրերը, տնտեսագետները, սպասարկման ոլորտի և այլ մասնագետները:
Տարեսկզբից աշխատանքի է տեղավորվել աշխատաշուկայում 36 անմրցունակ անձ:
