Հունվարի 15-16-ին ՀՀ աշխատանքի և սոցիալական հարցերի նախարարի տեղակալ Թադևոս Ավետիսյանն ընդունել է Բուլղարիայի Հանրապետության աշխատանքի և սոցիալական քաղաքականության նախարարության պատվիրակությանը փոխնախարար Լազար Լազարովի գլխավորությամբ: Երկօրյա հանդիպումների ընթացքում քննարկվել է «Հայաստանի Հանրապետության և Բուլղարիայի Հանրապետության միջև աշխատանքային միգրացիայի կարգավորման մասին» համաձայնագրի նախագիծը:
Համաձայնագիրը միտված է լինելու երկու պետությունների միջև աշխատանքային միգրացիայի ոլորտում համակողմանի համագործակցության զարգացմանն ու կապերի ընդլայնմանը:
Խորհրդակցությունների արդյունքում պայմանավորվածություն է ձեռք բերվել շարունակել երկկողմանի աշխատանքները՝ համաձայնագրի տեքստը մոտ ապագայում ամբողջականացնելու և ստորագրման նախապատրաստելու նպատակով:
Այցի շրջանակներում քննարկվել են նաև երկու երկրների միջև աշխատանքի և սոցիալական պաշտպանության ոլորտում համագործակցության հետագա զարգացման շրջանակներն ու ուղղությունները:
