ՀՀ աշխատանքի և սոցիալական հարցերի նախարար Մ. Մնացականյանն ընդունեց Հայաստանում ՄԱԿ-ի փախստականների գերագույն հանձնակատարի ներկայացուցիչ Բուշրա Հալեպոտային, որն ավարտում է իր գործունեությունը մեր երկրում: Պարոն Մնացականյանը շնորհակալություն հայտնեց երկարատև ու սերտ համագործակցության համար:
“Ես պատիվ եմ ունեցել նախկինում` որպես Կարմիր Խաչի նախագահ, այնուհետև` որպես նախարար Ձեր մարդկային և մասնագիտական բարձր հատկանիշների ականատեսը լինել: Մաղթում եմ նորանոր հաջողություններ Ձեր հետագա աշխատանքներում”,- նշեց նախարարը:
“Այն, ինչին հասել է մեր գրասենյակը, նաև Ձեր աջակցության և ջանքերի գնով է ձեռք բերվել: Ես երջանիկ եմ, որ եղա Հայաստանում, ծանոթացա հիանալի մարդկանց հետ: Հայաստանն իմ սրտում է”,- նշեց տիկին Հալեպոտան:
ՄԱԿ-ի փախստականների գերագույն հանձնակատարի գրասենյակը կշարունակի համագործակցությունը ՀՀ աշխատանքի և սոցիալական հարցերի նախարարության հետ, մասնավորապես` սոցիալական աշխատողների կարողությունների հզորացման ծրագրի շրջանակներում:
