Սեպտեմբերի 13-ին, ՀՀ կառավարության հերթական նիստում ՀՀ աշխատանքի և սոցիալական հարցերի նախարար Ա. Ասատրյանը կներկայացնի “Անձնավորված հաշվարկը (գրանցման հայտը) էլեկտրոնային եղանակով ներկայացնելն ապահովող միջոցառումների ժամանակացույցը հաստատելու մասին” և “Պետական նպաստների մասին” Հայաստանի Հանրապետության օրենքում փոփոխություններ կատարելու մասին» Հայաստանի Հանրապետության օրենքի նախագծի վերաբերյալ Հայաստանի Հանրապետության կառավարության եզրակացության նախագծի մասին» հարցերը:
“Պետական նպաստների մասին” Հայաստանի Հանրապետության օրենքում փոփոխություններ կատարելու մասին” Հայաստանի Հանրապետության օրենքում համապատասխան փոփոխություններ կատարելու դեպքում “Զոհված` Հայաստանի ազգային հերոսի կամ Մարտական խաչ շքանշանով հետմահու պարգևատրված անձի ընտանիքի նպաստ” ծրագրից լրացուցիչ կարող են օգտվել ոչ միայն ԼՂՀ Նախագահի հրամանագրով պարգևատրված 64 Հայաստանի Հանրապետության քաղաքացիների ընտանիքները, այլև` ԼՂՀ քաղաքացի համարվող, զոհված` Արցախի հերոսի` 4 և Մարտական խաչ շքանշանով պարգևատրված անձանց` 311 ընտանիք:
