Սիրելի հայրենակիցներ, Հայոց Բանակի քաջարի մարտիկներ,
Շնորհավորում եմ բոլորիս համար արժեքավոր ու նվիրական տոնի՝ Բանակի օրվա կապակցությամբ:
Հայոց Բանակը ծնունդ առավ 25 տարի առաջ հենց այս օրը, և ստեղծման առաջին իսկ օրվանից աչքի ընկավ իր մարտունակությամբ և անկոտրում ոգով՝ ապահովելով մեր հայրենիքի սահմանների անձեռնմխելիությունը:
Հայոց Բանակը մեր անկախ Հայաստանի ամենամեծ նվաճումն է, որին մենք հասել ենք հայ ժողովրդի համախմբած կամքի, բազում հայորդիների անսահման նվիրումի և հայրենիքի ազատության ու անկախության համար նահատակված հերոսների ինքնազոհության գնով:
Այս փառահեղ տոնի առթիվ մենք մեր երախտագիտությունն ենք հայտնում և մեծարման խոսքերն ենք հղում բոլոր նրանց, ում ջանքերի շնորհիվ այսօր Հայոց բանակը դարձել է մարտունակ ու հզոր:
Սիրելի հայրենակիցներ, սիրելի սպաներ և զինվորներ մեկ անգամ ևս շնորհավորում եմ բոլորիս այս նվիրական տոնի կապակցությամբ՝ մաղթելով անկոտրում կամք, խաղաղ երկինք և բազում հաղթանակներ:
