Աշխատանքի և սոցիալական հարցերի նախարարությունը 2023 թվականին շարունակում է հասարակական կազմակերպություններին պատվիրակման միջոցով սոցիալ-վերականգնողական ծառայություններ տրամադրել հաշմանդամություն ունեցող անձանց՝ ցերեկային կենտրոններում։
Ծրագրի հիմնական նպատակն է ապահովել հաշմանդամություն ունեցող անձանց համայնքում և ընտանիքում ապրելու իրավունքը, նրանց սոցիալական ներառումը հասարակություն,ապահովել ծառայությունների մատուցումը ցերեկային կենտրոնում՝ ներառման սկզբունքով, կանխարգելել հաշմանդամություն ունեցող անձանց մուտքը շուրջօրյա խնամքի հաստատություններ:
Երևանում և մարզերում անհրաժեշտ ծառայությունների տրամադրման նպատակով 2023 թվականին հատկացվել է ավելի քան 198 մլն դրամ։ Այս պահի դրությամբ՝ ցերեկային կենտրոններում սոցիալ-վերականգնողական ծառայություններ է ստանում շուրջ 410 շահառու։
Տրամադրվող ծառայությունները ներառում են՝
- ցերեկային կենտրոնի շահառուների անհատական սոցիալական կարիքների գնահատում,
- գնահատված կարիքներին համապատասխան անհատական սոցիալական ծրագրի կազմում,
- ազատ ժամանցի և զբաղվածության կազմակերպում՝ ըստ շահառուի նախասիրության,
- մշակութային միջոցառումների, հանդիպումների և էքսկուրսիաների, տարբեր խմբակների կազմակերպում,
- օրենսդրությամբ նախատեսված այլ ծառայությունների տրամադրում:
Վերոնշյալ ծառայություններից օգտվելու համար քաղաքացիները կարող են դիմել Միասնական սոցիալական ծառայության իրենց փաստացի բնակության վայրի տարածքային կենտրոն (հասցեները հետևյալ հղմամբ՝ https://rb.gy/id234), որտեղ կատարվում է անձի կարիքի գնահատում և տրամադրվում եզրակացություն՝ խնամքի անհրաժեշտության կամ բացակայության վերաբերյալ։ Դրական եզրակացության դեպքում անձն ուղեգրվում է ցերեկային խնամք տրամադրող կազմակերպություն։
2023 թվականին անհրաժեշտ ծառայությունները մատուցվում են պետության համաֆինանսավորմամբ` հետևյալ կազմակերպությունների միջոցով՝
| Կազմակերպություն | Հասցե |
| «Փրկություն» ԲՀԿ | ք․ Երևան, Չեխովի 33/1 |
| «Մայրի» ՀԿ | ք․ Երևան, Եղբայրության 11 |
| «Աուտիզմ Ազգային» Հիմնադրամ | ք․ Երևան, Գյուրջյան 13 |
| «Լիարժեք կյանք» ՀԿ | ք․Երևան, Բաղյան 2, Լոռու մարզ, ք․ Ստեփանավան Լոռու մարզ, ք․ Տաշիր և հարակից բնակավայրեր |
| «Խնամք» ՀԿ | Լոռու մարզ, ք․ Սպիտակ, Իտալական թաղամաս 10 |
| «Կարիտաս-Արեգակ» ԲՀ | Շիրակի մարզ, ք․ Գյումրի, Պ․ Սևակի փողոց 23 |
| «Աստղավարդ» ՀԿ | Գեղարքունիքի մարզ, ք․ Վարդենիս, Հ․ Արզոյան փողոց, 49 շենք |
