Ապրիլի 16-ին ՀՀ աշխատանքի և սոցիալական հարցերի նախարարի խորհրդական Նարինե Բալայանը մասնակցել է Կոմիտասի անվան Կամերային երաժշտության տանը տեղի է ունեցած Հայոց ցեղասպանության 100-րդ տարելիցին նվիրված հուշ երեկոին:
Հայաստանի կույրերի միավորման երաժշտական կոլեկտիվների երգչախումբն ու ժողգործիքների նվագախումբը հանդես են եկել համերգային ծրագրով:
Երգչախմբի կատարմամբ հնչել են Կոմիտասի, Մակար Եկմալյանի ստեղծագործությունները, ժողգործիքների նվագախմբի մենակատարների կողմից՝ հիշատակի և հայրենասիրական երգեր:
Միջոցառմանը մասնակցում էին պետական մարմինների ներկայացուցիչներ, պատվավոր հյուրեր: Համերգի ավարտին ստեղծագորրծական կոլեկտիվը շնորհակալություն է հայտնել ՀՀ աշխատանքի և սոցիալական հարցերի և ՀՀ մշակույթի նախարարություններին՝ համերգի կազմակերպչական աշխատանքներին աջակցելու համար:
Հարուստ երգացանկ և ծրագիր ունեցող երաժշտական նման կոլեկտիվները առանձնանում են իրենց գեղագիտական և կատարողական բարձր ճաշակով և նպատակ ունեն հասարակությանն իրազեկել հաշմանդամություն ունեցող անձանց ներառման, զբաղվածության, հավասար իրավունքների ստեղծման կարևոր խնդիրները:
