ՀՀ աշխատանքի և սոցիալական հարցերի նախարար Արտեմ Ասատրյանը հունիսի 30-ին Սոցիալական պաշտպանության ոլորտի զարգացման գործում ներդրած նշանակալի ավանդի, երկարամյա, անբասիր ու նվիրական աշխատանքի համար ՀՀ աշխատանքի և սոցիալական հարցերի նախարարի խորհրդական Նարինե Բալայանին պարգևատրել է ՀՀ աշխատանքի և սոցիալական հարցերի նախարարության մեդալով:
Հունիսի 30-ին տիկին Նարինե Բալայանը տոնում է նաև իր ծննդյան տարեդարձը, ինչի կապակցությամբ նրան շնորհավորել է ՀՀ աշխատանքի և սոցիալական հարցերի նախարարության աշխատակազմը՝ մաղթելով ամուր առողջություն, ընտանեկան բարօրություն և հաջողություններ:
Նարինե Բալայանը 1985-1990թ, զբաղեցրել է Հայաստանի սոցիալական ապահովության նախարարի պաշտոնը: 1990թ. ընտրվել է Հայաստանի Գերագույն խորհրդի առաջին գումարման պատգամավոր:
Այնուհետև երկար տարիներ սոցիալական ոլորտում զբաղեցրել է պատասխանատու պաշտոններ, զբաղվել ակտիվ հասարակական գործունեությամբ:
Պարգևատրվել է «Ժողովուրդների բարեկամության», «Պատվո նշան» շքանշաններով, մեդալներով, պատվոգրերով և շնորհակալագրերով:
2006-2016թթ. զբաղեցրել է ՀՀ աշխատանքի և սոցիալական հարցերի նախարարի խորհրդականի պաշտոնը:
