ՀՀ աշխատանքի և սոցիալական հարցերի նախարար Արտեմ Ասատրյանը նոյեմբերի 3-ին այցելել է Կոտայքի մարզի «Սոս մանկական գյուղ»:
Նախարարը «Սոս մանկական գյուղեր» հիմնադրամի ազգայի տնօրեն Աշոտ Քոչարյանի ուղեկցությամբ շրջել է մանկական գյուղում, զրուցել երեխաների հետ, ծանոթացել նրանց կենցաղին:
Արտեմ Ասատրյանը բարձր է գնահատել երեխաների իրավունքների պաշտպանության ոլորտում ձևավորված մոդելը և նշել, որ կառավարության ներկայիս քաղաքականությունը միտված է երեխաների խնամքը ընտանիքներում կազմակերպելուն:
«Բոլորս էլ քաջ գիտակցում ենք, եթե նույնիսկ մեր հաստատություներում ստեղծվեն լավագույն պայմանները, միևնույն է դա չի փոխարինի ընտանիքին և ընտանեկան ջերմությանը»,-իր խոսքում ընդգծել է նախարարը:
Նախարարը նաև շնորհավորել է Սոս մանկական գյուղի հիմնադրման 25-ամյակի կապակցությամբ և շնորհակալություն հայտնել կատարված աշխատանքների համար:
