ՀՀ աշխատանքի և սոցիալական հարցերի նախարարության Տնային պայմաններում միայնակ տարեցների և հաշմանդամների սոցիալական սպասարկման կենտրոնը օգոստոսի 29-ին Աջափնյակ վարչական շրջանի տնային խնամքի ծառայություններից օգտվող տարեցների համար կազմակերպել էր ուխտագնացություն դեպի Արգավանդի սբ. Հարություն, Էջմիածնի սբ. Հռիփսիմե, սբ. Գայանե, սբ. Մարիամ Աստվածածին, Շողակաթ եկեղեցիները և Մայր Տաճար:
Տարեցները մոմավառություն են կատարել եկեղեցիներում, ներկա են գտնվել մատուցվող պատարագին, շրջել եկեղեցիների հարակից գեղատեսիլ վայրերում:
Ուխտագնացության ավարտին տարեցները հանգստացել են սբ. Գայանե եկեղեցու բակում և բարձր տրամադրությամբ ու դրական լիցքերով վերադարձել են տուն:
