Աշխատանքի հերթական տոնավաճառը այս անգամ Տավուշի մարզի Իջևան քաղաքում համախմբել էր թվով 28 գործատուների:
ՀՀ զբաղվածության պետական գործակալությունը հունիսի 30-ին Իջևան քաղաքում կազմակերպել էր աշխատանքի տոնավաճառ, որտեղ գործատուները ներկայացրել են իրենց մոտ առկա և սպասվող թափուր աշխատատեղեր:
Աշխատանքի տոնավաճառին մասնակցած շուրջ 600 աշխատանք փնտրողներ ծանոթացել են գործատուների կողմից ներկայացված թափուր աշխատատեղերին և պահանջներին՝ փորձելով գտնել իրենց մասնագիտական հմտություններին համապատասխան աշխատանք:
Աշխատանք փնտրողների մեծ մասը գործատուների հետ հարցազրույց անցնելու պայմանավորվածություն է ձեռք բերել:
ՀՀ զբաղվածության պետական գործակալության կողմից Իջևան քաղաքում կազմակերպված աշխատանքի տոնավաճառը այս տարվա թվով երրորդ տոնավաճառն է:
Հաջորդ աշխատանքի տոնավաճառը կկայանա հուլիսի 2-ին՝ Ալավերդի քաղաքում, իսկ հուլիսի 3-ին՝ Գյումրիում:
