Սիրելի հայրենակիցներ,
Ջերմորեն շնորհավորում եմ Ձեզ Ամանորի և Սուրբ ծննդյան տոների կապակցությամբ:
2016 թվականը խորհրդանշական տարի էր մեր երկրի համար: Անցնող տարում Հայաստանի Հանրապետությունը դարձավ 25 տարեկան, ինչը առիթ էր հետ հայացք գցելու մեր անցած ճանապարհի վրա, գնահատելու ձեռքբերումներն ու նախանշելու մեր հետագա անելիքները: Վստահ եմ, որ առաջիկա տարիները մեր երկրի համար ևս լինելու են նվաճումների և լուրջ առաջընթացի տարիներ:
Ամանորն ու Սուրբ ծնունդն ընտանեկան տոներ են: Առողջություն, ընտանեկան ջերմություն, անսահման սեր եմ մաղթում Ձեզ և Ձեր ընտանիքներին: Թող ձեր օջախներում մշտապես պահպանվեն հայկական ավանդույթներն ու արժեքները, թող բոլոր ընտանիքներում մշտապես լսվի մանուկների զրնգուն ծիծաղը:
Մեկ անգամ ևս սրտանց շնորհավորելով գալիք տոների առթիվ` բոլորիդ մաղթում եմ ամենանվիրական ցանկությունների իրականացում, ընտանեկան բարօրություն, մեր երկրի սահմաններին՝ խաղաղություն:
Թող գալիք տարին լինի հաղթանակների տարի՝ ի շահ մեր պետականության ամրապնդման և համազգային նպատակների իրականացման:
