Հարգելի գործընկերներ, հրավիրում ենք Ձեզ մասնակցելու Աշխատանքի և սոցիալական հետազոտությունների ազգային ինստիտուտի կողմից իրականացվող «Գենդերը և քաղաքականությունը Հարավային Կովկասում» ծրագրի աջակցությամբ 2008թ. սեպտեմբերի 18-19-ին Հայաստանում անցկացվելիք «ՀՀ աշխատանքային օրենսդրությունը որպես գենդերային հավասարությանը նպաստող արդյունավետ մեխանիզմ» թեմայով միջազգային գիտաժողովի աշխատանքներին:
Գիտաժողովի աշխատանքները տարվելու են հետևյալ հիմնական ուղղություններով.
- Աշխատանքային հարաբերությունները Հայաստանի Հանրապետությունում և դրանց փոփոխությունները բարեփոխումների գործընթացում,
- Պետության սոցիալական քաղաքականությունը աշխատանքի ոլորտում
- Աշխատանքի նկատմամբ վերաբերմունքի և մշակույթի փոփոխությունը շուկայական տնտեսությանն անցման պայմաններում
- Աշխատանքային օրենսդրությունը և դրանով կարգավորվող հարաբերությունների գենդերային առումները
- Աշխատաժամանակի և հանգստի ժամանակի կազմակերպումն ու վերահսկողությունը
- Աշխատանքի շուկայի և զբաղվածության գենդերային հիմնախնդիրները
- Աշխատանքի վարձատրության ոլորտում առկա գենդերային խտրականությունը և այն հաղթահարելու ուղիները
- Աշխատանքի առողջ և անվտանգ պայմաններ
- Սոցիալական գործընկերություն. զարգացման հեռանկարները ՀՀ-ում
- Սոցիալական պաշտպանության համակարգի գենդերային հիմնախնդիրները
Գիտաժողովն անց է կացվելու. Երևանում կամ Հայաստանի առողջարանային կենտրոններից մեկում:
Աշխատանքային լեզուներն են. հայերենը, ռուսերենը և անգլերենը (զուգահեռ թարգմանության ապահովմամբ):
Զեկուցման թեզիսները (մինչև 3 էջ) և համառոտագիրը (մինչև 0.5 էջ)` ներկայացվում են մինչև 2008 թվականի հունիսի 15-ը:
Գիտաժողովի նյութերը հրատարակվելու են:
Հոդվածները պետք է ներկայացվեն համակարգչային ձևավորմամբ` պահպանելով սահմանված կանոնները:
Խնդրում ենք մինչև 2008թ. հունիսի 15-ը գիտաժողովի կազմկոմիտեին հայտնել գիտաժողովի աշխատանքներին մասնակցելու Ձեր ցանկության մասին` կցելով զեկուցման թեզիսները և համառոտագիրը:
Կազմկոմիտեի կողմից, խորին հարգանքով.
Գյուլնարա Հովհաննեսյան – Աշխատանքի և սոցիալական հետազոտությունների ազգային ինստիտուտի տնօրեն
Հասցե` | ՀՀ, Երևան 0069, Ուլնեցի փող. 68, 3-րդ հարկ, 300 սենյակ |
Հեռախոս/ֆաքս. | (374-10) 247522 |
Հեռախոս. | (374-10) 247521 |
E-mail: | info@nilsr.am |
Լրացուցիչ հեռախոսներ և հասցեներ. |
(374-10)208344 (110), (374-091)-457969 |
Գայանե Հովհաննիսյան | |
E-mail: | gayane_hovhannis@mail.ru |