Օգոստոսի 31-ին ՀՀ աշխատանքի և սոցիալական հարցերի նախարար Ա. Ասատրյանը սահմանված կարգով կատարեց քաղաքացիների հերթական ընդունելությունը, որին մասնակցում էին նախարարության աշխատակազմի ղեկավարը, կառուցվածքային և առանձնացված ստորաբաժանումների ղեկավարները:
Ներկայացան նախապես հերթագրված 9-ը քաղաքացիներից 5-ը, որոնց մտահոգում էին հետևյալ խնդիրները. հաշմանդամության խմբի վերականգնում, ընտանեկան նպաստի դադարեցում, կենսաթոշակի վճարման ընդհատում:
Մանրամասնորեն լսելով յուրաքանչյուր քաղաքացու հարցադրում` նախարարը մասնագետների հետ քննարկելուց հետո հանձնարարականներ տվեց համապատասխան ստորաբաժանումների ղեկավարներին որոշակի ժամկետում, օրենքի և նախարարության իրավասության շրջանակներում հանգամանորեն ուսումնասիրել ներկայացված խնդիրներն ու տալ պատասխաններ:
Քաղաքացիներին օրենքների համապատասխան դրույթների շրջանակներում տրվեցին պարզաբանումներ և անհրաժեշտ խորհրդատվություն:
