2020 թվականի հունվարի 1-ից կավելանան բոլոր կենսաթոշակները: Գնաճի նկատմամբ միջին կենսաթոշակի չափի առաջանցիկ աճ ապահովելու վերաբերյալ Կառավարության ծրագրային դրույթի իրականացումն ապահովելու շրջանակում Աշխատանքի և սոցիալական հարցերի նախարարության առաջարկությամբ Կառավարությունը նախաձեռնել է 2020 թվականին ավելացնել՝
- հիմնական կենսաթոշակի չափը,
- մինչև 10 տարին յուրաքանչյուր տարվա համար աշխատանքային ստաժի 1 տարվա արժեքը,
- նվազագույն կենսաթոշակի չափը:
Ընդ որում, կենսաթոշակների չափերի ավելացումը կախված է աշխատանքային ստաժի տևողությունից:
Արդյունքում, նախատեսվում է, որ աշխատանքային կենսաթոշակի միջին չափը կավելանա 10 տոկոսով: Սա նշանակում է, որ առանձին դեպքերում կենսաթոշակը կավելանա 10 տոկոսից քիչ, իսկ որոշ դեպքերում՝ 10 տոկոսից ավելի չափով:
