Աֆղանական պատերազմի վետերանների ԱՊՀ խորհրդի հերթական նիստը տեղի ունեցավ Երևանում: Նիստի ընթացքում քննարկվեցին Հայրենական մեծ պատերազմի հաղթանակի 65-ամյա տարելիցի միջոցառումների ծրագրի նախագիծը, Խորհրդի կատարած աշխատանքների վերաբերյալ հաշվետվությունը և այլ հարցեր:
Նիստի ժամանակ ներկայացվեց Հայաստանի Աֆղանական պատերազմի վետերանների կյանքի որակի բարելավման և սոցիալական ու բժշկական միջոցառումների մասին տեղեկատվություն:
ԱՊՀ խորհրդի նիստի աշխատանքներին մասնակցեց և ելույթով հանդես եկավ ՀՀ աշխատանքի և սոցիալական հարցերի նախարարության աշխատակազմի հաշմանդամների և տարեցների հիմնահարցերի վարչության պետ Ջեմմա Բաղդասարյանը: