ՀՀ կառավարությունը 2012թ. դեկտեմբերի 6-ի նիստում ընդունել է “Հայաստանի Հանրապետության կառավարության 2002 թվականի նոյեմբերի 14-ի N 1821-Ն որոշման մեջ փոփոխություններ և լրացումներ կատարելու մասին” ՀՀ կառավարության որոշումը:
Առաջարկվող փոփոխությունները պայմանավորված են ՀՀ աշխատանքի և սոցիալական հարցերի նախարարության աշխատակազմի կառուցվածքային ստորաբաժանումների աշխատանքների արդյունավետության բարձրացման և օպտիմալացման անհրաժեշտությամբ:
ՀՀ կառավարության 2002թ. նոյեմբերի 14-ի N 1821-Ն որոշմամբ աշխատանքի և սոցիալական հարցերի նախարարության կառուցվածքում չկան սոցիալական պաշտպանության ոլորտի զարգացման, ինչպես նաև գնումներով զբաղվող ստորաբաժանումներ: Ոլորտային ստորաբաժանումները լիարժեքորեն չեն կարողանում համատեղել ոլորտային և զարգացման գործառույթները:
Չկա գնումների գործընթացը համակարգող պատասխանատու ստորաբաժանում, մինչդեռ գնումների գործընթացը չի կարող արդյունավետ իրականացվել առանց հատուկ դրա համար ստեղծված պատասխանատու ստորաբաժանման, քանի որ այն պահանջում է բարձր պատրաստվածություն և մասնագիտական գիտելիքներ գնումների ոլորտում:
Նախատեսվում է լուծարել ռազմավարական ծրագրերի և մոնիթորինգի, իրավաբանական վարչություները, ինչպես նաև միջազգային կապերի, տնտեսական և անձնակազմի կառավարման բաժինները և դրանց հենքի վրա ստեղծել վերլուծության և մոնիթորինգի, միջազգային համագործակցության և զարգացման ծրագրերի, իրավաբանական և անձնակազմի կառավարման վարչություններ, ինչպես նաև գնումների համակարգման և տնտեսական հարցերի բաժին:
Այսպիսով, նախարարությունը կունենա հետևյալ կառուցվածքային ստորաբաժանումները`
- Վարչություններ
Աշխատանքի և զբաղվածության վարչություն
Սոցիալական աջակցության վարչություն
Վերլուծության և մոնիթորինգի վարչություն
Ֆինանսատնտեսագիտական և հաշվապահական հաշվառման վարչություն
Հաշմանդամների և տարեցների հիմնահարցերի վարչություն
Ընտանիքի, կանանց և երեխաների հիմնահարցերի վարչություն
Կենսաթոշակային ապահովության վարչություն
Միջազգային համագործակցության և զարգացման ծրագրերի վարչություն
Իրավաբանական և անձնակազմի կառավարման վարչություն
- Քարտուղարություն
- Բաժիններ
Հասարակայնության հետ կապերի բաժին
Ժողովրդագրության բաժին
Ներքին աուդիտի բաժին
Գնումների համակարգման և տնտեսական հարցերի բաժին:
