Սիրելի հայրենակիցներ,
Շնորհավորում եմ Հայոց բանակի կազմավորման 24-րդ տարեդարձի կապակցությամբ:
Իր գոյության ողջ ընթացքում կատարելագործելով մարտական հմտությունները՝ մեր բանակը բազմիցս է ապացուցել իր մարտունակությունը, ցուցաբերել անկոտրում ոգի:
Արցախյան ազատամարտի թեժ շրջանում մեր ազգային բանակը, պատերազմ մղելուն զուգահեռ, կայացել է որպես իր առջև դրված խնդիրները փայլուն կատարող կուռ համակարգ:
Հայոց բանակը մեր նորանկախ պետության կարևորագույն ձեռքբերումներից մեկն է, ուստի մեզանից յուրաքանչյուրն իր հնարավորությունների չափով պետք է աջակից լինի Զինված ուժերին և հայ զինվորին:
Բանակի մարտունակությունը մեծապես պայմանավորված է զինծառայողների և նրանց ընտանիքների բարեկեցությամբ և սահմանին կանգնած զինվորը մշտապես պետք է զգա, որ իր թիկունքում պետության ու հասարակության գործունեությունը ուղղված է նաև իր ընտանիքի բարեկացության պայմանների բարելավմանը:
Մեկ անգամ ևս շնորհավորում եմ Մեր Բանակի օրվա կապակցությամբ՝ մաղթելով բոլոր զինծառայողներին անկոտրում կամք, արիություն, ուժ և կորով, մեր երկրին՝ խաղաղություն:
