«Բյուրեղավանի երեխաների խնամքի և պաշտպանության գիշերօթիկ հաստատություն» ՊՈԱԿ-ում տեղի ունեցավ ազատամարտիկ, ռեժիսոր Սամվել Թադևոսյանի` Շուշիի ազատագրման մասին պատմող ֆիլմի ցուցադրությունը:
Ֆիլմի ցուցադրությունը երեխաներին հնարավորություն տվեց ոչ միայն առերեսվել պատմության մի փոքր դրվագի, այլև անձամբ շփվել հայրենիքի համար մարտնչած զինվորի հետ, լսել պատերազմի մասին իրական պատմություններ, տալ հետաքրքրող հարցեր:
Ֆիլմի ցուցադրության ողջ ընթացքում երեխաները շունչները պահած դիտում էին ֆիլմը, ժամանակ առ ժամանակ հարցեր տալիս:
Շուշիի ազատագրման մասին պատմող ֆիլմի ցուցադրության ավարտին երեխաները մեծ ոգևորությամբ երգեցին նաև Հայաստանի Հանրապետության օրհներգը, իսկ հաստատության տնօրեն Մարինե Գալստյանը շնորհակալություն հայտնեց ցուցադրության համար. նշելով. «Մեր խորհին երախտագիտությունն ենք հայտնում Սամվել Թադևոսյանին` մեզ հետ մեծ հոժարությամբ համագործակցելու և մատաղ սաների հոգիներում հայրենասիրության նվիրական զգացում արթնացնելու գործում: Վստահ եմ, որ նման կինոդիտումները շարունակական բնույթ կկրեն, և մեր աճող սերնդի մեջ կդաստիարակեն ապագա հայրենասեր ռազմիկների»:
