ՀՀ աշխատանքի և սոցիալական հարցերի նախարարության աջակցությամբ սեպտեմբերի 10-ին Կամերային Երաժշտության տանը տեղի ունեցավ Կույրերի միավորման “Երաժշտական Կոլեկտիվներ” երգչախմբի և Ժող. Գործիքների նվագախմբի “Կոմիտաս-145” խորագիրը կրող համերգը:
Համերգի ընթացքում հնչեցին Կոմիտասի հոգևոր և դասական ստեղծագործությունները: Միջոցառմանը ներկա էր նաև ՀՀ աշխատանքի և սոցիալական հարցերի նախարարի խորհրդական Նարինե Բալայանը, ով անչափ կարևորեց նմանատիպ համերգների կազմակերպումը, քանի որ դրանք նպաստում են հաշմանդամություն ունեցող անձանց ինտեգրմանը հասարակությանը և բարձրացնում հավասար իրավունքների հիմնախնդիրները:
Համերգի ավարտին Կույրերի միավորման նախագահության անդամները իրենց խորին շնորհակալությունը հայտնեցին ՀՀ աշխատանքի և սոցիալական հարցերի նախարարին և ՀՀ մշակույթի նախարարությանը համերգի իրականացմանն աջակցելու համար:
