Երևանի երեխաների խնամքի և պաշտպանության թիվ 1 գիշերօթիկ խնամքի հաստատությունը մարտի 5-ին հյուրընկալել էր «Հայ առաջադեմ երիտասարդություն» հասարակական կազմակերպության երիտասարդ անդամներին:
Հաստատության երեխաներին ուրախացնելու և առօրյան էլ ավելի հետաքրքիր դարձնելու նպատակով, երիտասարդների հետ միասին հյուր էին եկել ծաղրածուներ: Ուրախ և բազմազան խաղերի միջոցով ծաղրածուները բարձր տրամադրություն պարգևեցին երեխաներին, լուսանկարվեցին միասին, բասկետբոլ խաղացին, պարեցին, երգեցին:
Իսկ ավելի ուշ կազմակերպության երիտասարդները երեխաների հետ միասին ճաշեցին հաստատությունում, երեխաներին հյուրասիրեցին նաև իրենց հետ վերցրած քաղցրավենիքներով:
Ջերմ հրաժեշտից հետո «Հայ առաջադեմ երիտասարդություն» հասարակական կազմակերպության երիտասարդները խոստացան երեխաներին կրկին հյուրընկալվել հաստատություն:
