Բյուրեղավանի երեխաների խնամքի և պաշտպանության գիշերօթիկ հաստատության սաներն այցելել են Հայոց Ցեղասպանության հուշահամալիր:
Հայոց ցեղասպանության անմեղ զոհերի հիշատակը հավերժացնող անմար կրակի մոտ ծաղիկներ դնելուց հետո երեխաները մեկ րոպե լռությամբ հարգել են անմեղ զոհերի հիշատակը:
Այնուհետև հուշահամալիրի մոտ տեղի է ունեցել «100 տարվա բաց վերքեր» խորագիրը կրող միջոցառում, որի ընթացքում երեխաները արտասանել են հատվածներ Պարույր Սևակի «Անլռելի զանգակատուն» պոեմից: Միջոցառումն ավարտվել է «Կովկասի քաջեր» երգով:
Հայոց Ցեղասպանության 100-ամյա տարելիցի միջոցառումների շրջանակներում Բյուրեղավանի գիրշերօթիկ խնամքի հաստատությունում ստեղծվել է 100-ամյակին նվիրված անկյուն, որտեղ տեղ է գտել «Հիշատակի ծառը», ինչը խորհրդանշում է մոխիրներից վեր հառնած հայ ժողովրդի պայքարն ու ապրելու և արարելու տենչը:
