Գյումրիի զբաղվածության տարածքային կենտրոնի աշխատակիցները ապրիլի 5-ին մասնակցել են «Հայաստանի աղքատ և կարիքավոր անձանց կենսամիջոցների բարելավում» ծրագրի շրջանակներում կազմակերպված կլոր սեղան քննարկմանը:
Քննարկման ընթացքում զբաղվածության տարածքային կենտրոնի տնօրեն Ամալյա Ադամյանը ներկայացրել է զբաղվածության պետական ծրագրերը, Գյումրիում շահառուների ակտիվությունն ու ներգրավածությունը ծրագրերում, քննարկվել են նաև հետագա համագործակցության հեռանկարները:
Հանդիպմանը ներկա էին «Հայաստանի աղքատ և կարիքավոր անձանց կենսամիջոցների բարելավում» ծրագրի շահառուներ, սոցիալական ոլորտի պատասխանատուներ, գործատուներ:
Ծրագրի շահառուներ հանդիսացող հաշմանդամություն ունեցող անձինք ներկայացրել են ծրագրի շրջանակներում անցած մասնագիտական և վերապատրաստման դասընթացների արդյունավետությունը, աշխատանքի տեղավորվելու հնարավորությունները:
Բացի ուսուցումներից՝ ծրագրի շահառուների մի մասը ծրագրի շրջանակներում ստացել է դրամաշնորհներ և դարձել անհատ ձեռներեցներ:
«Հայաստանի աղքատ և կարիքավոր անձանց կենսամիջոցների բարելավում» դրամաշնորհային ծրագիրն իրականացվում է «Առաքելություն Հայաստան» բարեգործական հասարակական կազմակերպության կողմից:
