Դեկտեմբերի 3-ին Հաշմանդամների միջազգային օրվա կապակցությամբ Հաշմանդամների մասնագիտական կողմնորոշման և աշխատանքային վերականգնողական կենտրոնում տեղի է ունեցել «Ես կարող եմ…» խորագիրը կրող միջոցառում:
Միջոցառմանը ներկա էին ՀՀ ազգային ժողովի պատգամավոր՝ Սուքիաս Ավետիսյանը, Գյումրու զբաղվածության տարածքային կենտրոնի տնօրեն՝ Ամալյա Ադամյանը, Գյումրու «Երեխաների տուն» ՊՈԱԿ-ի տնօրեն Աննա Գևորգյանը, «AM» իրավաբանական ընկերություն Գյումրու գրասենյակի ղեկավար՝ Կարապետ Պողոսյանը, հասարակական կազմակերպությունների ներկայացուցիչներ:
Շահառուների անմիջական մասնակցությամբ բացվել է կենտրոնի գրադարանը, որը կնպաստի հաշմանդամություն ունեցող անձանց աշխատանքային և մասնագիտական վերականգմանը, ինչպես նաև՝ նրանց հոգեկերտվածքի և մտքի զարգացմանը:
Կազմակերպվել է մասնագիտական վերականգնողական խմբերում շահառուների ձեռքով պատրաստված մանկական հագուստներ և այլ իրեր, որոնք շահառուներն իրենց նախաձեռնությամբ նվիրել են «Երեխաների տուն» և «Գյումրու Ծննդատուն» ՊՈԱԿ-ի սաներին:
Միջոցառումն ուղեկցվել է շահառուների ինքնաբուխ ասմունքով և երախտիքի խոսքերով՝ ուղղված միջոցառման կազմակերպիչներին: Կենտրոնի մասնագետները հյուրերին ճանապարհել են հաշմանդամություն ունեցող անձանց համար նախատեսված սայլակներով. ակցիայի նպատակը կոչ էր հանուն հավասարության:
Միջոցառման վերջում շահառուների համար կազմակերպվել է փոքրիկ հյուրասիրություն:
