ՀՀ աշխատանքի և սոցիալական հարցերի նախարարության հաշմանդամների հիմնահարցերի բաժնի աշխատակից Մարիամ Երիցյանը դեկտեմբերի 3-ին մասնակցել է Հաշմանդամների միջազգային օրվա կապակցությամբ «Փրկություն» հաշմանդամ երեխաների և երիտասարդների կենտրոն» ՀԿ-ի կողմից կազմակերպված միջոցառմանը, որը կրում էր «Հայրենիքիս կանչը» խորագիրը:
Միջոցառման ընթացքում հաշմանդամություն ունեցող անձանց մասնակցությամբ բեմադրվել է ներկայացում, ինչը տպավորել է միջոցառման մասնակցիներին:
Նախարարության աշխատակազմի ներկայացուցիչը շնորհակալություն է հայտնել միջոցառման կազմակերպիչներին և ներկայացման մասնակիցներին, փոխանցել է ՀՀ աշխատանքի և սոցիալական հարցերի նախարար Արտեմ Ասատրյանի ողջույնի և բարեմաղթանքի խոսքերը: Նախարարության աշխատակիցը կարևորել է ֆիզիկական և մտավոր խնդիրներ ունեցող անձանց ներառումը հասարակություն, նրանց զբաղվածության և ընտանիքում ապրելու հնարավորության ապահովումը: Նախարարության ներկայացուցիչը նաև հավելել է, որ ՀՀ աշխատանքի և սոցիալական հարցերի նախարարությունը մշտապես պատրաստ է համագործակցել հասարակական կազմակերպությունների հետ և համատեղ աշխատանքներում արձանագրել առարկայական ձեռքբերումներ:
Միջոցառմանը ներկա են գտնվել պետական տարբեր գերատեսչությունների և հասարակական կազմակերպությունների ներկայացուցիչներ:
