Հուլիսի 1-ին «Ձորակ» հոգեկան առողջության խնդիրներ ունեցող անձանց խնամքի կենտրոնում տոնական տրամադրություն էր: Կենտրոնը իր շահառուների, շահառուների ծնողների և կենտրոնի բարեկամների հետ միասին տոնել է իր հիմնադրման մեկ տարին:
Միջոցառման տոնական տրամադրությունը ապահովել են հենց կառույցի շահառուները, ովքեր իրենց երգ ու պարով, անզուգական կատարումներով հիացրել են միջոցառման հյուրերին և Կենտրոնի անձնակազմին:
Կենտրոնի 1-ամյակին նվիրված միջոցառմանը ներկա էր նաև ՀՀ աշխատանքի և սոցիալական հարցերի նախարարության տարեցների հիմնահարցերի վարչության պետ Արթուր Կեսոյանը, ով, իր հերթին շնորհավորել է կենտրոնի անձնակազմին, մաղթել հաջողություններ հետագա աշխատանքներում, ինչպես նաև հիացմունք արտահայտել կենտրոնի բնակիչների ելույթների վերաբերյալ: Շնորհակալության խոսքեր են հայտնել նաև կենտրոնի բնակիչների ծնողները:
«Ձորակ» հոգեկան առողջության կենտրոնում մեկ տարվա ընթացքում վերանորոգվել են ննջարանները, սանհանգույցները, փոխվել է մանրահատակը, բարեգործների աջակցությամբ ձեռք է բերվել ժամանակակից լվացքի, չորացնող և արդուկող մեքենաներ:
