Հոկտեմբերի 13-ին տեղի է ունեցել Խարբերդի մասնագիտացված մանկատան հիմնական մասնաշենքի վերանորոգված բլոկի բացման արարողությունը, որին ներկա էին ՀՀ աշխատանքի և սոցիալական հարցերի նախարարի տեղակալ Ջեմմա Բաղդասարյանը, նախարարության աշխատակիցներ, ՀՀ-ում ԱՄՆ դեսպանատան ռազմական համագործակցության գրասենյակի ղեկավար Ջոն Ֆրիլը, մանկատան բարեկամներ:
Հյուրերը շրջել են վերանորոգված մասնաշենքում, ծանոթացել կատարված աշխատանքներին: Կապիտալ վերանորոգվել են 1-ին մասնաշենքի հատակը, պատերը, առաստաղը, դռներն ու պատուհանները: Սանհանգույցը ամբողջապես հարմարեցվել է խմբասենյակներին, մասնաշենքում տեղադրվել են հակահրդեհային նոր համակարգեր:
Բացման արարողությանը ներկա հյուրերը շփվել են նաև մանկատան երեխաների հետ, ծանթացել նրանց ձեռքի աշխատանքներին, իսկ վերջում մանկատան երեխաները հյուրերին նվիրել են իրենց ձեռքով պատրաստած հուշանվերներ:
Խարբերդի մասնագիտացված մանկատան հիմնական մասնաշենքի վերանորոգման աշխատանքներն իրականացվել են ՀՀ-ում ԱՄՆ դեսպանատան ռազմական համագործակցության գրասենյակի կողմից: